Universitet və biznes arasındaki qarşılıqlı əlaqələrin formalaşdırılması və yüksəldilməsi yolları

Abstract

Müasir qloballaşan dünyada universitetlərin şirkət və biznes strukturları ilə əməkdaşlığı, onlara tədqiqatlarını maliyyələşdirmək, şaxələn dirmək üçün çoxlu sayda resurs əldə etmələrinə və eləcə də özlərinin ixtiraları üçün rəy almalarına imkan verir. İnteqrasiya olunmuş tədqiqat və təhsil, universitetlərdən insan resurslarının axınını dəstəkləməyə kömək etməklə, biznesdə savadlı, təlim keçmiş işçi qüvvəsinin formalaşmasına səbəb olur. Universitetlərin biznes strukturları üçün əsas istedad mənbəyi olmasına baxmayaraq, bu gün əmək bazarının tələb etdiyi bacarıqların uyğunsuzluğu və praktik təcrübənin olmaması bir çox məzunların iş tapa bilməməsinə və işsizliyin yaranmasına səbəb olmuşdur. Odur ki, bu gün hər bir universitet əmək bazarınını tələblərinə uyğunlaşmaqla zəruri praktiki təcrübə və bacarıqların verilməsinə yönəlmiş, məşğulluğu artıra və iqtisadi artımı sürətləndirə biləcək istiqamətdə fəaliyyət göstərməlidir.