Tələbələrin dərsə davamiyyətinin QR kod vasitəsilə qeydiyyatı üçün proqram təminatının işlənməsi

Abstract

Dünyada texnoloji inkişaf sürətlə davam edir və bu inkişafın təhsil sahəsinə təsiri də artır. Xüsusilə, tələbələrin dərsə davamiyyətinin monitorinqi və analitikası təhsilin keyfiyyətini artırmaq üçün əhəmiyyətlidir. Hər bir tələbənin təhsil prosesində aktiv iştirak etməsi təhsilin keyfiyyətinə birbaşa təsir edir. Xüsusilə, tələbələrin dərsə davamiyyətinin izlənilməsi prosesi müəllimlər üçün zəhmətli ola bilər, lakin bununla belə, bu, tələbələrin təhsil prosesindəki performansının təyin edilməsi üçün vacibdir. İndiki texnoloji imkanlarla, bu prosesin avtomatlaşdırılması mümkündür və bu tədqiqat işi də tam olaraq bu məsələyə həll tapmağa yönəlmişdir. QR kodlarının təhsil sahəsində tətbiq edilməsi yeni bir konsepsiyadır və bu iş, bu konsepsiyaya praktiki bir həll təklif edir. Bu tədqiqat, QR kodlarını və JavaScript proqramlaşdırma dilini istifadə edərək tələbələrin dərsə davamiyyətini avtomatlaşdıran bir sistem inkişaf etdirir. Bu texnologiya həm müəllimlərin iş yükünü azaldır, həm də ənənəvi qaydada olduğu kimi jurnal yazaraq vaxt itirilməsinin qarşısını alır. Nəticədə, bu mövzu öz aktuallığını texnoloji inkişafın sürəti, təhsilin keyfiyyətinin yüksəldilməsinin əhəmiyyəti və texnoloji yeniliklərin təhsil sahəsində effektiv tətbiqinin vacibliyindən alır.